Xhuliano Skuka është transferuar dy ditë më parë nga Partizani te Metz, duke nisur kështu një etapë të rëndësishme të karrierës së tij. Sulmuesi është prezantuar nga francezët dhe që nga dita e sotme ka nisur edhe stërvitjet me klubin e tij të ri.
Në mediat franceze kanë filluar të publikohen edhe fotot e para të stërvitjes së Skukës me skuadrën e tij. Aty shfaqet futbollisti duke iu bashkuar shokëve të skuadrës në ushtrimet me apo pa top, teksa spikat veshja e tij.
Për shkak të temperaturave shumë të ulëta në veriun e Francës, Skuka shfaqje në këtë stërvitje të parë me kapuç dhe me shall të trashë, pa harruar dorashkat, që të përballonte kushtet atmosferike shumë më të ndryshme nga sa është mësuar në Shqipëri në këto vite.
PANORAMASPORT.AL
NDIQE LIVE "PANORAMA TV" © Panorama.al
