Jua kemi thënë për vit, sado që nuk kemi fare besim që na dëgjoni. Jo sepse nuk doni, por sepse nuk dilni dot nga tradita. E nisëm pak si përpjekur, por e kemi fjalën për tryezën e fundit që do të shtrojmë për këtë vit. Në javët e mëparshme ju kemi dhënë receta antipastash ndërsa sot, po sjellim pjatat kryesore, të bindur se, me gjithë përpjekjet për ta lehtësuar pak sasinë e kalorive, nga mishi nuk hiqni dorë asnjëherë. Në fakt, po të ndjekësh traditën e gjelit, futja e produkteve të peshkut, nuk se rrjedh aq lehtë, ama me pak fantazi, mund të sillte shije shumë të mirë. Sidomos, më të lehtë për tu tretur. Fundja, gjelin mund ta prekni pak për zakon, por jo ta konsumoni të gjithin. Aty do të jetë sërish nesër! Sidoqoftë, çfarëdo të keni zgjedhur, konsumoni me masë. Mos hidhni asgjë poshtë, dy ditët në vazhdim, ato çfarë latë, mund të ribëhen në forma të tjera. mishin e gjelit mund ta përdorni në gjithfarë recetash. Që nga supa e deri te orizi o makaronat. (Produktet e recetave të mëposhtme, përveç gjelit, i gjeni tek dyqanet Neranxi).
2014-ta do t’i’ua kujtoj shpejt që shpërdorimi nuk është gjëja më e zgjuar! Por përpara se të frikësohemi, e kalofshi Gëzuar! Vit të Ri të mbarë e të lehtë për të gjithë!
Fileto viçi me alga deti
(sushi nori)
PERBERESIT:
Fileto Vici 200 gr
Alga Deti (Sushi Nori) 1 fletë
E bardhë veze – 1 kokërr
Geletë 100 gr
Vaj ulliri “Ionia”
Salcë soje, ose Teriaki
PËRGATITJA:
Marrim fileton e viçit, e presim, e mbështjellim me alga deti, e lyejmë me të bardhën e vezës, pastaj me galetë, e skuqim në vajin e ullirit.
E fusim 10 minuta në furrë në temperaturë 200 gradë (e cila duhet të jetë e ngrohur paraprakisht)
E presim dhe e shërbejmë me salce soje, ose Teriaki.
Gjel deti me mandarina
PËRBËRSIT:
Gjeldeti 1 copë – 4 kg
Gjalpë “Mammas Butter” – 200 gr
Ketchup 200 gr
Marsala 200 ml
Rrush i thatë 100 gr
Mandarina 1 kg
Bajame file 200 gr
Stika pishe 100 gr
Salcë domate 100 gr
Lëng limoni “Robo” 50 ml
Salcë Worchester 30 ml
Salcë soje 30 ml
Ujë Spa 1 litër
Piper i zi (sipas dëshirës)
Kripë Himalajesh 30 gr (ose sipas dëshirës)
Mandarinat i qërojmë (1/2 i shtrydhim; ½ i lëmë në lëngun e shtrydhur). Gjelin, sipas dëshirës mund ta copëtoni dhe ta bëni të tiganisur dhe pastaj në furrë.
PËRGATITJA:
Lyejmë gjelin me gjalpë dhe lëng limoni.
E fusim në furrë në 200 gradë (e cila duhet të jetë paraprakisht e ngrohur) për 3-4 orë. Kur gjeli të ketë marrë faqe ose ngjyrë e shuajmë me Marsala, i shtojmë ujë, e mbulojmë me alumin dhe e lëmë në furrë për kohën e mbetur).
Në një tigan marrim lëngun e gjelit dhe shtojmë stika pishe, rrush të thatë, bajame file, ketchup, salcë domateje, salcë Worchester, salcë soje, mandarinat dhe lëngun e tyre dhe i lëmë të ziejnë deri sa të trashet lëngu. Nëse ju duket i hollë, mund ta trashni me pak miell Tandoi dhe e rregullojmë me kripë dhe piper.
E copëtojmë gjelin në porcione dhe e shpërndajmë nëpër pjata, sipër i hedhim masën e përgatitur nga tigani.
BAKLLAVA
PERBERESIT
40-45 petë (varet nga madhësia e tepsisë)
arra të qëruara të shtypura në sasi për të mbuluar tepsinë.
700gr gjalpë “Mammas Butter”
Për një bakllava sa më të mirë, petët do të lihen të thahen mirë (mos u shqetësoni nëse ju thërrmohen në dorë)
Ndajmë sasinë e petëve në dy pjesë. Ndërkohë kemi përgatitur gjalpin e shkrirë, tavën në të cilën do të bëhet pjekja. Shtrojmë tri petët e para dhe i spërkatim nga të gjitha anët me gjalpë, pa e ekzagjeruar…e kështu vazhdojmë procedurën në çdo tri pete derisa të arrijmë në gjysmat. Shtrojmë e mbulojmë gjithë diametrin e enës me arrat e qëruara dhe të përziera me një dorë sheqer. Spërkatim me gjalpë dhe vazhdojmë shtrimin si më parë deri në fund. Këshillohet të lini një ose dy petë për t’i shtruar në fund, pasi në këtë mënyrë lehtësojmë prerjen e bakllavasë. Pra e presim në formë rombesh të vogla dhe e mbulojmë gjithandej me sasinë e mbetur të gjalpit.
Ëmbëlsira do të piqet në temperaturë të ulët dhe me shumë kujdes të paktën për dy orë, me qëllim që të kullojë mirë dhe rombet të jenë të ndara nga njëra-tjetra. Ngjyra e pjekjes duhet të anojë më tepër tek e verdha sesa tek e kuqja.
Për sherbetin:
1kg sheqer
Ujë sa të mbulohet sasia e sheqerit.
Tretet mirë dhe vihet në zjarr të valojë, derisa sherbeti të mbetet sumbull mbi gisht e të mos rrjedhë… Kujdes, evitoni efektin e zakarosjes, duke shtuar pakëz lëng limoni në sherbet!
[email protected]
Dërgoni recetat tuaja!
