Një 30-vjeçar nga Tirana është arrestuar në Mallakastër në zbatim të masave të planit operacional “Sundimi i ligjit”.
Në pranga u vu Albert Kodhelaj, i cili qarkullonte me automjet, i armatosur me armë zjarri. Policia i sekuestroi 1 armë zjarri pistoletë, me krehër me municion luftarak.
“Shërbimet e Komisariatit të Policisë Mallakastër, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara nga inteligjenca policore se një shtetas lëvizte me armë në qytet, kanë ngritur pika kontrolli, dhe kanë organizuar punën për kapjen dhe arrestimin e tij.
Si rezultat, u arrestua në flagrancë shtetasi Albert Kodhelaj 30 vjeç, banues në Tiranë.
Gjatë kontrollit shërbimet e Policisë i gjetën atij dhe sekuestruan, në cilësinë e provës materiale, një armë zjarri pistoletë, me krehër me municion luftarak”, thotë policia.
Ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
NDIQE LIVE "PANORAMA TV" © Panorama.al
