Një aksident automobilistik ka ndodhur në Berat gjatë ditës së sotme.
Sipas burimeve nga policia, bëhet me dije se një automjet ka përplasur një 68-vjeçar me biçikletë në vijat e bardha.
Pas përplasjes, automjeti tip VolsWagen Passat, me targa AA 590 FC, e ka marrë zvarrë të moshuarin për disa metra dhe më pas ka ndaluar.
I moshuari Agim Mingu ka mbetur pa ndjenja në asfaltin e rrugës, deri në mbërritjen e ambulancës, që e ka transportuar drejt Spitalit Rajonal të Beratit.
Mjekët e spitalit konfirmojnë se ai ndodhet në sallën e operacionit dhe gjendja e tij është kritike për jetën.
Ndërkohë drejtuesi i automjetit është shoqëruar në komisariat menjëherë pas ngjarjes.
NDIQE LIVE "PANORAMA TV" © Panorama.al
