Shefi i Urgjencës së Traumës, Gjovalin Bushi ka dhënë një deklaratë për mediat në lidhje me dy të lënduarit nga shpërthimi në Lushnje të cilët u transportuan në Tiranë, për trajtim më të specializuar, një prej tyre deputeti i PS, Bujar Çela.
Bushi është shprehur se të dy të lënduarit janë në gjendje të stabël.
Sa i përket deputetit, mjeku është shprehur se ndaj tij është kryer një ndërhyrje në Lushnje dhe në momentin që është paraqitur te “Trauma” është ndërhyrje sërish nga fillimi dhe tanimë është në sallën e operacionit.
Shefi i Urgjencës shton se Çela ka marrë disa plagë në pjesën e barkut dhe ndërhyrja ndaj tij do të marrë kohë.
“Deputeti ka ardhur para një orë. Është intervenuar në spitalin e Lushnjes, ka marrë ndihmën e parë mjekësore. Erdhi këtu, ne rihymë sërish dhe sapo e futëm në sallë. Ka disa plagë në pjesën e barkut.
Gjendja është stabël, ndërhyrja ndaj tij do të kërkojë pak kohë” tha ndër të tjera mjeku.
NDIQE LIVE "PANORAMA TV" © Panorama.al
