Ish-drejtori i Doganave në Fier, i cili akuzohet se kërcënoi burrin e të dashurës, është shoferi që shkaktoi aksidentin e dyfishtë në rrugën transballanike në Vlorë.
Arlind Lagji, i cili udhëtonte me një mjet tip “Touareg”, përplasi një grua në vijat e bardha dhe në tentativë për tu larguar nga vendngjarja aksidentoi një makinë, raporton News24.
Mjeti tip Peugeot ka dalë nga rruga dhe është përplasur me një shtyllë ndriçimi në trafik ndarëse.
Nga aksidenti mbetën të plagosur dy persona që u dërguan në spital.
Arlind Lagji u përfshi në një skandal pasi u denoncua nga Algert Beluli se e kishte kërcënuar. I riu dyshonte se bashkëshortja e tij, Anxhela Ngjeqari, e tradhtonte me ish-drejtorin e Doganave në Fier.
Algert Beluli publikoi audiopërgjime me zytarin ku ky i fundit e kërcënonte me jetën e vajzës dhe i thoshte ‘do ta bëj trupin thela-thela’.
NDIQE LIVE "PANORAMA TV" © Panorama.al