Ministrat e Jashtëm të G7 kanë bërë një deklaratë të përbashkët duke thënë se Rusia do të përballet me “sanksione të rënda” të mëtejshme për pushtimin e saj në Ukrainë, raporton The Guardian.
“Ne do të vazhdojmë të vendosim sanksione të mëtejshme të ashpra në përgjigje të agresionit rus, të mundësuar nga regjimi i Lukashenkos në Bjellorusi.
Ne i bëjmë thirrje Rusisë të ndalojë sulmet e saj veçanërisht në afërsi të drejtpërdrejtë të termocentraleve bërthamore të Ukrainës”, thuhet në deklaratë.
Duke folur në Bruksel pas një takimi të ministrave të jashtëm perëndimorë, Josep Borrell, përfaqësuesi i lartë i BE-së për punët e jashtme, tha se atyre u ishte dhënë një përditësim nëpërmjet lidhjes video nga ministri i jashtëm i Ukrainës Dmytro Kuleba.
Ata po bombardojnë banesa rezidenciale, shkolla, spitale dhe infrastruktura të tjera civile, u tha Borrell gazetarëve, duke theksuar se “ata duket sikur duan të shkatërrojnë Ukrainën”.
NDIQE LIVE "PANORAMA TV" © Panorama.al