Babai i Naim Murseli është shprehur se i biri, Naim Murseli, sot nuk do të jetonte nëse do e kishte ditur se ishte ai vrasësi i Liridonës.
Për emisionin “Me zemër të hapur” të moderatores Evis Ahmeti në News24, u shpreh se nuk ka kontaktuar as me avokatin e djalit të tij, duke theksuar se nuk ka kërkuar mbrojtje ligjore për Naimin.
Shaban Murseli theksoi se do e kishte ekzekutuar me duart e tij të birin, ndërsa shtoi se autorin e dyshuar të kryerjes së vrasjes, Granit Plavën, nuk e njihte.
Sa i përket lidhjes së Naimit me nipin e tij, Kushtrim Kokalla, po ashtu i dyshuar i përfshirë në vrasje, Shabani tha se ishin shumë të lidhur.
“Babain e tij e njohur, kurse Granitin kurrë në jetë nuk e kam takuar dhe as nuk e njoh, Naimi ka qenë shumë i lidhur me Kushtrimin, sepse ishte dhe vetëm në Kosovë për një kohë, e shoqëronte dhe rrinin shumë bashkë. Por s’më shkoi mendja të bënin këto veprime. Nuk e kam takuar babain e Ganit Plavës.
Nuk kanë takuar avokatin e Naimit. Unë nëse do kisha pasur informacion që e kishte bërë Naimi, si s’do të jetonte më, do isha marrë me vetë, do e ekzekutoja me duart e mia”, tha babai i Naim Murseli.
NDIQE LIVE "PANORAMA TV" © Panorama.al
