Sot, në ditën Kombëtare të Rinisë, Ambasada e Shteteve të Bashkuara të Amerikës në Tiranë ka reaguar me anë të një postimi në rrjetet sociale.
Ata thonë se SHBA qëndruan pranë të rinjve dhe qytetarëve të Shqipërisë teksa ata kërkuan një vend “si gjithë Evropa” dhe sot vazhdojnë me krenari të jenë krah nesh, teksa Shqipëria bën hapin e saj të radhës drejt anëtarësimit të plotë në Bashkimin Evropian.
Postimi i plotë:
“Sot, ne kujtojmë rininë dhe studentët shqiptarë të cilët ishin nismëtarë të protestave që sollën rënien e regjimit komunist dhe lindjen e demokracisë më 8 dhjetor 1990. Shtetet e Bashkuara qëndruan pranë të rinjve dhe qytetarëve të Shqipërisë teksa ata kërkuan një vend “si e gjithë Europa” dhe ne jemi me krenari krah jush sot, teksa Shqipëria bën hapin e saj të radhës drejt anëtarësimit të plotë në Bashkimin Europian”, thotë Ambasada e SHBA në një postim në rrjetet sociale.
NDIQE LIVE "PANORAMA TV" © Panorama.al
