Ministria e Shëndetësisë ka publikuar bilancin e infektimeve të reja me Covid-19 dhe shpërndarjen e tyre në të gjithë vendin.
Sipas njoftimit të Ministrisë, fatmirësisht gjatë 24 orëve të fundit nuk ka pasur humbje jete nga virusi.
Njoftimi i Ministrisë:
10 Dhjetor 2022 – Ministria e Shëndetësisë dhe Mbrojtes Sociale i bën thirrje qytetarëve të mos neglizhojnë vaksinimin anticovid dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit.
Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Ju informojmë për situatën e Covid19 në 24 orët e fundit: Janë kryer 426 testime, nga të cilat kanë rezultuar pozitivë me COVID19, 30 qytetarë, në Bashkitë:
21 në Tiranë, 3 në Fier, nga 2 qytetarë në Durrës, Delvinë, nga 1 qytetarë në Himarë, Sarandë.
Janë 183 qytetarë aktivë me Covid19 në të gjithë vendin.
Aktualisht në spitalin COVID3 po marrin trajtim 1 pacientë. Në 24 orët e fundit nuk ka asnjë humbje jete me SarsCov2.
Janë shëruar 9 qytetarë gjatë 24 orëve të fundit, duke e çuar numrin e të shëruarve në 328,630 që nga fillimi i epidemisë.
Statistika ( 10 Dhjetor 2022)
Raste të reja ditore 30
Të shëruar në 24 orë 9
Të shtruar në spitale 1
Humbje jete në 24 orë 0
Testime ditore 426
Testime totale 2,012,637
Raste pozitive 332,407
Raste të shëruara 328,630
Raste Aktive 183
Humbje jete 3,594
Shpërndarja gjeografike e rasteve aktive sipas qarqeve:
Tiranë 127
Vlorë 17
Fier 12
Gjirokastër 8
Shkodër 5
Berat. 5
Durrës. 4
Lezhë. 2
Elbasan. 2
Korçë. 1
NDIQE LIVE "PANORAMA TV" © Panorama.al
