Drejtuesi i një agjencie imobiliare në Tiranë, Dritan Leka tha në emisionin “Log.” në Panorama TV se çmimet e apartamenteve nga viti 2019 deri në 2022 janë rritur me 25%.
Sipas tij shqiptarët deri në vitin 2019 kanë preferuar apartamente 2+1 deri në 100 metër katror, ndërsa me rritjen e çmimeve preferojnë 1+1 që variojnë nga 50 deri në 80 metër katror.
I pyetur se kush janë klientët që blejnë në kullat Leka u shpreh “se janë kryesisht klientë që janë në Amerikë ose në Greqi”.
Pjesë nga diskutimi
Dritan Leka: Nga 2019 në 2022 rritja nuk është më e madhe se 25%.
Pyetje: Blerësit si i blejnë, janë njerëz që blejnë me para cash apo me financim bankar?
Dritan Leka: Në 80% të rasteve kemi financim bankar. Ky financim mund të jetë 80% e vlerës ose më pak.
Ervin Bushati: Pra në 80 % të rasteve nuk ka pastrim parash
Briseida Shehaj: Po ca po thuaj o Ervin
Dritan Leka: Transaksionet që zhvillohen nëpërmjet një kredie bankare kalojnë tek noteri dhe bëhen tek kalimi i fondeve bankare.
Pyetje: Tipologjia që shisni më shumë?
Dritan Leka: Deri në fund të 2021 apartamentet me të kërkuara kanë qenë 100m katror të formatit 2+1. Gjatë 2022 kanë ndryshuar kemi një orientim drejt apartamenteve 1+1 që fillojnë nga 50-80m katror.
NDIQE LIVE "PANORAMA TV" © Panorama.al
