Dyshohet se atentati me snajper ndaj 23-vjeçarit, Gëzim Sinomataj është bërë nga mjeti tip BMW ku udhëtonin autorët e krimit mafioz që tronditi vendin të dielën (7 Janar).
Kjo është një nga pistat e hetimit nisur nga lëvizjet e shumta të automjetit pak minuta përpara kryerjes së krimit.
Makina e vjedhur është vënë re duke lëvizur shpesh në zonën në lagjjen “Hajro Cakërri”, Vlorë, deri në eleminimin e shënjestrës së tyre në ballkonin e katit të tretë të banesës ku i riu po qëndronte pasi ishte kthyer për festa nga Belgjika.
Ndërkohë 48 orë pas ngjarjes, policia e Vlorës ende s’ka asnjë gjurmë të autorëve të mundshëm, ndërsa ka pasur kontrolle në banesa, si edhe vende se ku fshihen persona të skeduar në krimin e organizuar që mund të kenë lidhje me ngjarjen.
Gjithashtu janë marrë në pyetje persona të botës së krimit në lidhje me ngjarjen, por se kanë mohuar përfshirjen në vrasjen e të riut dhe janë lënë të lirë.
Po ashtu kanë nisur hetimet në lidhje me Oshee nëse ndërprerja e dritave është e qëllimshme apo është bërë për shkak defekti.
Ekzeutimi i Gëzim Sinomtajt dyshohet me pagesë nga persona të mirë përgatitur, ndërsa nuk janë gjendur as gëzhoja dhe as arma e krimit.
Në vrasjene 23-vjeçarit mendohet të jetë përdorur edhe silenciator. Ndërkohë BMW-ja është djegur në pjesën e pasme, por megjithatë nuk është gjetur asnjë provë që mund t’i çojë drejt autorëve.
NDIQE LIVE "PANORAMA TV" © Panorama.al
