Dorian Petoku, “mbreti” i narkotikëve, është arratisur nga një qendër rikuperimi në Itali, ku ishte transferuar me një certifikatë mjekësore.
34-vjeçari shqiptar ishte mik i Fabrizio “Diabolik” Piscitelli , i cili u ekzekutua në vitin 2019 dhe kishte njohen me Salvatore Casamonica, kreun e klanit të drogës që kontrollon Romën Lindore.
Ai ishte dënuar me 12 vite burg si pjesë e një organizate kriminale në Itali.
Kush është Dorian Petoku, miku i Fabrizio ‘Diabolik’ Piscitelli
I rritur në Lezhë të Shqipërisë, Petoku hyri në botën e trafikut të armëve, drogës dhe qenieve njerëzore përpara se të mbërrinte në Romë, në Ponte Milvio.
34-vjeçari, i cili është kushëriri i bosit të parë shqiptar të drogës në Romë, Arben Zogu , me kalimin e viteve fitoi gjithnjë e më shumë rëndësi në botën e krimit atje.
Rëndësia e saj është përjetësuar në një foto të realizuar më 13 dhjetor 2017 në restorantin ‘L’Oliveto’ në Grottaferrata.
Në foto shfaqen katër burra në tavolinë. Njëri prej tyre “Francezi”, një i infiltruar, në krah të tij është Salvatore Casamonica dhe përballë tij Fabrizio “Diabolik” Piscitelli,që u vra vritet më 7 gusht 2019 në një pritë në parkun e ujësjellësit.
Temë kryesore e bisedës, dyshohet se ishte një armëpushim në konfliktin që kishte shpërthyer mes familjeve Esposito dhe Spada.
Jo vetëm kaq, Piscitelli, Casamonica dhe Petoku po planifikonin të transportonin edhe një sasi të madhe droge nga Amerika e Jugut. Bëhej fjalë për futjen në Itali të 7 tonë kokainë të fshehur në çantat e një ekipi futbolli të të rinjve.
Arrestimi, transferimi në qendrën e rikuperimit dhe arratisja
Petoku është arrestuar në Shqipëri dhe qëndroi dy vite në burg, koha e nevojshme për të marrë një certifikatë mjekësore që vërteton varësinë e tij nga droga.
Pas është ekstraduar në Itali, është kontrolluar dhe në flokët e tij janë gjetur gjurmë droge.
Ndërkohë që askush nuk duket se e ka bërë pyetjen se si e ka marrë atë, duke qenë se ishte në burg.
Pavarësisht kundërshtimit të Prokurorisë, ai u transferua në qendrën e rikuperimit të Morlupos, nga ku u transferua në atë të Nolës.
Megjithatë, javën e kaluar, Petoku arriti të arratisej, duke përfituar siguria e pakët dhe miqësitë e vjetra të reja, shkruajnë mediat italiane.
NDIQE LIVE "PANORAMA TV" © Panorama.al
