Postuar: Shkurt 9, 2024 | 23:25
ZYRTARE/ Shkumbini bëhet i frikshëm, Nica merr në skuadër ish-sulmuesin e Kukësit
Shkumbini i Stavri Nicës nuk ka të ndalur në merkato! Peqinasit kanë realizuar një tjetër goditje “big”, duke prezantuar ditën e sotme, ish-sulmuesin e Kukësit, Jusuf Najara. Lajmi është konfirmuar nga vetë klubi nëpërmjet faqes zyrtare.
Me fanellën e verilindorëve, sulmuesi regjistroi 7 takime në Superiore, teksa tashmë do të kontribuojë për ekipin e Shkumbinit në Kategorinë e Dytë.
NJOFTIMI I KLUBIT:
Ish i Kukësit mbërrin në Peqin
YUSUF Nayara në urdhërat e Nicës.
Shkumbini po shfrytëzon çdo moment në merkato. Pas afrimeve pak ditë më parë një tjetër lojtar bëhet pjesë e shkumbinit.Këtë herë presidenti Kasa ka arritur të bindë një lojtar të superiores që të jetë pjesë e ekipit të Stavri Nicës për fazën e dytë.
Nigeriani 22 vjeçar Yusuf Nayara do ti bashkohet ekipit të shkumbinit në vazhdimësi.Sulmuesi vjen nga ekipi i Kukësit nga kategoria Superiore teksa ka luajtur 7 takime
Pritet që lojtari të jetë një goditje me vlerë për ekipin Peqinas duke shpresuar që nuk do të mungojnë golat prej tij.
Presidenca dhe drejtuesit peqinas i urojnë mirëseardhjen Yusuf NayaraPANORAMASPORT.AL
