Turqia duket se është shndërruar në një “mallkim”, për portierin shqiptar, Thomas Strakosha, i cili ishte i pafat mbrëmjen e djeshme, duke shkaktuar një autogol ndaj Gallatasarait, në sfidën e vlefshme për Ligën e Europës.

Gabimi i Strakoshës, i dhuroi fitoren skuadrës turke, në ndeshjen e parë të grupit. Por kjo nuk ishte hera e parë, që portieri i talentuar shqiptar, gaboi në tokën turke, pasi në sfidën e zhvilluar më 11 tetor të vitit 2019, mes Turqisë dhe Shqipërisë, të vlefshme për kualifikueset e Europianit, Strakosha bëri një dalje të gabuar në minutën e 90-të, e cila rezultoi fatale dhe i dha mundësinë Turqisë që të shënonte golin e fitores me anë të Tosun.

Gjithsesi këto gabime, nuk ia zbehin talentin dhe cilësitë e mrekullueshme që 26-vjeçari ka! Edhe portierë më të mëdhenj se Strakosha kanë bërë gabime të kësaj natyre.

PANORAMASPORT.AL

NDIQE LIVE "PANORAMA TV"

---