E kush nuk do ta donte një fanellë të Leo Mesit?… pak rëndësi ka nëse je tifoz apo futbollist.

Të kesh një kujtim të tillë nga ai që cilësohet si një prej më të mirëve në historinë e futbollit është një mundësi që nuk të vjen shpesh dhe këtë e dinë shumë mirë Leonardo Bunuçi e Xhorxho Kielini.

Dy qendërmbrojtësit e Juventusit patën një “zënkë” mes tyre pak para përfundimit të ndeshjes me Barcelonën. Arsyeja? Kush do ta merrte fanellën e asit argjentinas pas fishkëllimës së trefishtë të gjyqtarit.

Në fund fitimtar doli Bonuçi, i cili pas triumfit e shprehu kështu krenarinë e tij për mediat italiane: “Është më i miri në botë së bashku me Ronaldon. Jam i kënaqur që do t’ia shtoj fanellën e tij vitrinës personale që kam në shtëpi”.

NDIQE LIVE "PANORAMA TV"

---