Talenti me origjinë shqiptare, Brajan Gruda gjeti rrugën e rrjetës në ndeshjen e Bundesligës me fanellën e Mainc, në triumfin 4-0 që skuadra e tij arriti në shtëpi ndaj Darmshtad.  

19-vjeçari ishte titullar në këtë përballje, teksa në minutën e 60-të shënoi golin e dytë të sfidës, pas asistit të Burkard. Ky ishte goli i dytë në këtë sezon për Grudën, i cili është aktivizuar 23 takime, si dhe ka regjistruar edhe 2 asiste.  

Vlen të theksohet fakti se Gruda momentalisht është pjesë e kombëtares U-21 të Gjermanisë, teksa drejtuesit e Federatës Shqiptare të Futbollit, janë duke punuar për ta bindur 19-vjeçarin që në të ardhme të zgjedhë të veshë fanellën e Kombëtares A të Shqipërisë. Një interesim special për Grudën ka shprehur edhe vetë trajneri Silvinjo, që duket se e ka në preferencat e tij talentin me origjinë nga Shkodra.

🇩🇪 Goal: Brajan Gruda | Mainz 05 2-0 Darmstadt 98pic.twitter.com/6IqDecXB2q

— FootColic ⚽️ (@FootColic) April 6, 2024

PANORAMASPORT.AL 

NDIQE LIVE "PANORAMA TV"

---