VIDEO/ Është aktivizuar 300 ndeshje në Serinë A, mesfushori me origjinë shqiptare shënon gol në ndeshjen e fundit në karrierë
Mesfushori me origjinë shqiptare, Përparim Hetemaj i Helsinkit, ka shënuar gol në ndeshjen e tij të fundit në karrierën si futbollist aktiv.
Megjithatë, goli i Hetemajt nuk i ka mjaftuar skuadrës finlandeze që ta shmangë disfatën në transfertë ndaj PAOK-ut, në duelin që përfundoi me shifrat 4-2.
Ndeshja ishte e vlefshme për Grupin G, teksa Hetemaj gjeti rrugën e rrjetës në minutën 90+2 nga pika e bardhe e penalltisë. Mesfushori 37-vjeçar u aktivizua në lojë si zëvendësues në minutën e 66-të. Kjo ishte ndeshja e fundit për të në karrierë.
Shqiptari ka një CV tepër të pasur teksa përveç Helsinkit, është aktivizuar edhe te AEK-u, Apollon Kalamarias, Tuente, Bresha, Kievo, Benevento, Rexhina dhe e mbylli karrierën te Helsinki në Finlandë.
Ka 300 ndeshje në Serie A të Italisë, me tetë gola e 19 asistime. Me Finlandën, Hetemaj arriti të regjistronte, 49 paraqitje dhe katër gola të shënuar.
?? Goal: Përparim Hetemaj | PAOK 4-2 HJKpic.twitter.com/y0nUBZq8Tv
— FootColic ⚽️ (@FootColic) December 14, 2023
PANORAMASPORT.AL
NDIQE LIVE "PANORAMA TV"