VIDEO/ Uzuni “flakë” në Kroaci, sulmuesi i Shqipërisë “dashurohet” me golat
Sulmuesi i kombëtares shqiptare, Myrto Uzuni gjeti sërish rrugën drejt rrjetës ditën e sotme në ndeshjen kundër Slaven Belpuos në kuadër të javës së 25-ë të kampionatit kroat.
24-vjeçari realizoi golin e parë në triumfin 3-0 ndaj Slaven Belupos. Ish-lojtari i Laçit shënoi në minutën e 59-të të takimit. Uzuni tejkalon veten nga sezoni i kaluar me Lokomotivën e Zagrebit, ku ka realizuar deri tani 9 gola, kurse sezonin e kaluar e mbylli me vetëm 8 gola.
Lokomotiva e Zagrebit renditet në vendin e tretë me 43 pikë duke hedhur kandidaturën për të marrë pjesë në Ligën e Kampionëve. Kontributi i Uzunit dhe futbollistëve të tjerë shqiptarë te Lokomotiva e Zagrebit është rritur ndjeshëm këtë sezon.
Uzuni është një ndër të besuarit e Edi Rejës te ekipi kombëtar dhe këto paraqitje të mira nxisin trajnerin e kombëtares shqiptare për ta aktivizuar dhe më shumë.
PANORAMASPORT.AL
NDIQE LIVE "PANORAMA TV"