Shkodra i jep lamtumirën Flamurtarit: Nuk ishte zgjedhje e lehtë, por e duhura
Transferimi i Donjet Shkodrës te Skënderbeu është çështje ditësh, por vetë lojtari ka dashur të falënderojë nëpërmjet një postimi në rrjetet sociale Flamurtarin që i dha mundësinë të bëhej një emër i njohur në futbollin shqiptar.
Mesfushori shkëlqeu me fanellën e vlonjatëve duke u kthyer në një prej zbulimeve të edicionit, ndërsa ka pranuar se nuk e kishte aspak të lehtë t’i jepte lamtumirën një ekipi dhe një qyteti ku ishte ndjerë mjaft mirë.
Postimi i Shkodrës
“Përmes këtij teksti dua të falënderoj të gjithë bashkë lojtarët, tifozët dhe qytetarët e Vlorës për mbështetjen dhe përkrahjen në këtë sezon që e lamë pas, edhe përkundër gjithë atyre problemeve që kemi pas gjatë këtij edicioni, mirëpo në fund të fundit jemi në vendin e 4 në Superligën shqiptare!
Nganjëherë këto lloj zgjedhjesh nuk janë të lehta por të duhura!
Ju falënderoj dhe ndoshta takohen rrugët tona përsëri
Me respekt Donjet Shkodra
NDIQE LIVE "PANORAMA TV"