Sfida e vëllezërve Krasniqi, replikon Blerimi: Humbisni dhe më pas… shikoni detin
Blerim Krasniqi është një ndër sulmuesit më të mirë të Teutës dhe të kampionatit shqiptar në këto tri sezonet e fundit.
I kontaktuar dje nga “Panorama Sport” për t’i bërë me dije mesazhin paralajmërues sportiv të vëllait, Jetonit, që luan me Apoloninë, shtatlarti i durrsakëve ka dhënë një përgjigje epike dhe me humor brenda: “Mirë se të vini vëllai im Jeton! Humbisni njëherë e pastaj… shihni detin”. Në këto 17 javë kampionat, edhe pse nuk i ka luajtur të gjitha ndeshjet, pasi ka munguar në dy prej tyre, Blerimi ka shënuar vetëm 3 gola.
Në Durrës pritshmëritë për të janë të mëdha, por edhe fati nuk ka qenë me 24-vjeçarin, i cili në disa ndeshje ka humbur raste flagrante. Madje, në takimin e fazës së parë në Fier, ai u bë protagonist i një rasti, ku me portën e boshatisur goditi jashtë. Të dielën ndaj Apolonisë sulmuesi ka shansin të zhbllokohet.
PANORAMASPORT.AL
NDIQE LIVE "PANORAMA TV"