U luajtën mbrëmjen e sotme, 20 minutat e mbetura të duelit të shtyrë mes Udinezes dhe Romës, për shkak të problemit të futbollistit Ndika. Në momentin e ndërprerjes ndeshja ishte në shifra të barabarta 1-1. 

Skuadra e De Rosit besoi deri në fund dhe shënoi një gol me shumë peshë në minutat shtesë për ta marrë tri pikë. 

Goditja me kokë Kristantes mbylli me festën verdhekuqe ndeshjen e kampionatit, e cila filloi më 14 prill. Në minutën e 95-të goli i numrit 4 vulosi fitoren 1-2.  

🚨🇮🇹 CRISTANTE WINS IT FOR AS ROMA IN THE 94TH MINUTE! 😳pic.twitter.com/axHX5joo9h

— Tekkers Foot (@tekkersfoot) April 25, 2024

Roma me këtë fitore shkon në kuotën e 58 pikëve, katër më shumë se Atalanta, që gjithsesi ka edhe një ndeshje për të luajtur, atë përballë Fiorentinës. Gara për vendin e pestë mbetet e ethshme. 

PANORAMASPORT.AL

NDIQE LIVE "PANORAMA TV"

---