Largimi i Qatip Osmanit, te Vllaznia “piketojnë” një rikthim të bujshëm/ Ja kush pritet të jetë trajneri i ri i shkodranëve
Qatip Osmani nuk do të jetë më trajner i Vllaznisë. Mbrëmjen e së enjtes, klubi shkodran përmes një njoftimi në rrjetet sociale njoftoi ndërprerjen e bashkëpunimit me teknikun nga Maqedonia e Veriut, si dhe me ndihmësin e tij, Bashkim Livoreka.
Ndërkohë së fundmi në ambientin sportiv shkodran është duke qarkulluar emri i Thomas Brdariç si zëvendësuesi i Osmanit. Duket se te Vllaznia po mendojmë për një rikthim të bujshëm dhe me shumë gjasa do të jetë trajneri gjerman timonieri i ri i shkodranëve që do të drejtojë kuqeblutë në ndeshjet e mbetura të këtij sezoni. Gjithashtu Brdariç pritet të jetë dhe “arkitekti” i sezonit të ri.
Në të shkuarën 49-vjeçari drejtoi Vllazninë në 77 ndeshje nga 10 gushti i vitit 2020 deri në 14 mars të vitit 2022 kur edhe ndërpreu bashkëpunimin. Në orët në vijim pritet të vijë edhe zyrtarizimi i trajnerit të ri të Vllaznisë.
PANORAMASPORT.AL