Çfarë po ndodh te Juventusi?! Pas Ueston MeKenit, një tjetër titullar refuzon rinovimin
Te Juventusi ose janë të lodhur nga diçka, ose duan të jenë më të qartë e konkret me planin e ardhshëm që ka klubi.
Sepse ndryshe nuk mund të shpjegohet fakti dhe arsyeja pse kanë ngecur situatat e rinovimeve me Dushan Vlahoviçin e Federiko Kiezën, apo akoma më keq edhe disa refuzime për të zgjatur marrëveshjet me titullarë të rëndësishëm.
Pasi 2 javë më parë Ueston MeKeni ishte thirrur në takim për të dëgjuar ofertën për rinovim kontrate, amerikani jo vetëm që ka refuzuar, por shembullin e tij e ka ndjekur edhe portieri Vojçeh Shezni. Vetëm që nëse në rastin e MeKenit atij iu ofrua një rinovim kontrate me rritje page, ndonëse prej 100-200 mijë eurosh, Sheznit iu ofrua shtyrja e skadencës nga 2025 në 2028-ën, por me një ulje drastike të pagës, nga 6.5 milionët aktualë në 4. Në këto kushte porta e Juves rrezikon që të mbetet shumë shpejt e… boshatisur…
PANORAMASPORT.AL
NDIQE LIVE "PANORAMA TV"