“Rrufe në qiell të hapur” për Prishtinën. Bardhebluve të kryeqytetit, së bashku me Ferizajn dhe Drenicën, iu është refuzuar licencimi për garat europiane. Lajmi është konfirmuar nga vetë FFK-ja nëpërmjet një postimi në faqen zyrtare.  

 

Kujtojmë që Prishtina është në finalen e Kupës së Kosovës, ku do të përballet me Gjilanin, edhe në rast triumfi, skuadra e Debatik Currit, nuk do të ketë mundësi të përfaqësohet në arenën europiane.  

“Komisioni i Shkallës së Parë për Licencimin e Klubeve për garat e UEFA-së, ka marrë vendimet në lidhje me procesin licencues për edicionin 2023/24 të garave të UEFA-së. Në total në këtë proces kanë aplikuar 10 klube nga Superliga e meshkujve dhe 2 nga Superliga e femrave. Nga 12 klube, sa e kanë nisur procesin e licencimit, 9 prej tyre janë licencuar, kurse 3 janë refuzuar”, ka shkruar FFK-ja në njoftim. 

PANORAMASPORT.AL

NDIQE LIVE "PANORAMA TV"

---