Prishtina mundet edhe në shtëpi, por këtë radhë largohet mes duartrokitjesh (Video)
Skuadra e Prishtinës është mundur sot edhe në ndeshjen e kthimit nga Norrkoping. Por ndryshe nga ndeshja e parë, ku skuadra kosovare kapitulloi pa kushte përballë suedezëve, në takimin e dytë humbja ishte minimale dhe nëse sulmuesit e ekipit kosovar do të kishin qenë më të vëmendshëm, rezultati do të kishte qenë më ndryshe.
Sfida u vendos në minutën e 71 nga goli i Anderson për miqtë, por Prishtina kishte krijuar disa raste të pastra shënimi të cilat nuk arriti t’i konkretizonte. Edhe pas golit, skuadra e drejtuar nga Thaçi bëri të pamundurën që të gjente barazimin, por pa sukses.
Megjithatë, në fund ajo mori duartrokitjet e publikut që vlerësoi këtë paraqitje të dytë të ekipit debutues në Ligën e Europës.
NDIQE LIVE "PANORAMA TV"