Çelsi humbi pikë sërish në Premier Ligë javën e kaluar pasi u ndal në një barazim 2-2 nga Brentfordi. Trajneri Mauricio Poçetino mbeti i zhgënjyer nga rezultati, ndërsa ai anuloi menjëherë planet e tij të darkës së ditëlindjes me gruan e tij, siç zbuloi vetë argjentinasi në konferencën për shtyp përpara ndeshjes së sotme me Njukasëllin.

“Të shtunën, pas ndeshjes me Brentfordin, barazimi ishte si një humbje. Ai vrau gruan time, sepse anulova darkën tonë. Unë thashë se nuk dua të shkoj për darkë, doja të qëndroja në shtëpi. Unë isha me fat, sepse stafi im ishte me mua në atë kohë. Ne e përfunduam ditën duke parë ndeshjen Real Madrid-Valencia dhe pimë më shumë verë, por asgjë emocionuese. Vetëm pamë më shumë futboll.

Ditët e fundit i kam parë të gjitha ndeshjet. Nuk po shikoja vetëm Ligën e Kampioneve dhe Championship-in. Po shikoja gjithashtu Ligën e Kampioneve të Azisë – Al Hilal-Al Itihad, Al Ain-Al Nasr. Po shikoja ndeshje të ndryshme. Është e vërtetë që ajo nuk është e kënaqur me mua, por ajo e di shumë mirë se situata nuk është shumë e mirë. Kur atmosfera nuk është e mirë, nuk është e lehtë për familjen”.

PANORAMASPORT.AL

NDIQE LIVE "PANORAMA TV"

---