Luçiano Moxhi ka besim se pauza do t’i ketë bërë shumë mirë Juventusit për të reaguar në rifillimin e kampionatit me Lacion. Për më tepër ai beson edhe në suksesin e sfidës së 2 prillit, sërish Juve-Lacio, por këtë herë dueli i vajtjes së gjysmëfinaleve të Kupës së Italisë.

“Unë e kam thënë se nuk jam aspak kundër Alegrit, përkundrazi e përgëzoj Juventusin dhe trajnerin për idenë e të vlerësuarit të talenteve, pasi mes tyre Juvja ka jo vetëm elementë cilësorë, por edhe lojtarë që mund të mbushin bindshëm arkat e klubit.

Ndërkohë, për sa i përket dy sfidave të radhës me Lacion, unë mendoj se do të jenë të vështira, por Juvja ka më shumë rezerva se lacialët, kështu që do i fitojë të dyja”.

PANORAMASPORT.AL

NDIQE LIVE "PANORAMA TV"

---