Deklan Rike është një nga talentet që po shkëlqen të Uest Hem. Mbrojtësi 19-vjeçar ka fituar vendin e titullarit te skuadra nga Londra, duke u kthyer në një protagonist.

Kur ishte 14 vjeç, ai pozoi me mbrojtësin argjentinas Pablo Zabaleta, i cili në atë kohë ishte pjesë e Mançester Sitit. Për të treguar rritjen e jashtëzakonshme si futbollist profesionist, irlandezi postoi një tjetër fotografi, tanimë aktuale, të tijën duke u përqafuar me Zabaleta, të cilin e ka shok skuadre te Uest Hem.

Nuk munguan as elozhet nga mbrojtësi argjentinas, për talentin irlandez. “Deklan është vetëm 19 vjeç dhe po përmirësohet ditë pas dite. Ai ka shumë energji dhe uroj që me ndihmën tonë që kemi më shumë përvojë, ai të bëhet një mbrojtës më i mirë. Mendoj se herët a vonë do të bëhet kapiteni i Uest Hem sepse i ka të gjitha” u shpreh Zabaleta.

NDIQE LIVE "PANORAMA TV"

---