Bedri Greca, edhe pse shënoi duke i dhënë fitoren Flamurtarit, doli i mërzitur nga fusha e lojës. Kjo, për shkak se nuk u aktivizua si titullar nga trajneri Ramadani.

Megjithatë, Greca nuk bën polemika, teksa në prononcim për “Panorama Sport” pas ndeshjes thekson se do të bëjë më të mirën për Flamurtarin.

“U futa në pjesën e dytë dhe u mundova të bëj më të mirën time, ashtu siç ma kërkoi trajneri. Ishte skema e tillë dhe taktika që ndoqi trajneri që unë të mos ta nisja ndeshjen titullar. Ai mendoi që unë ta nisja nga stoli, por gjithsesi kur u futa në fushë, shënova. Nuk kam asnjë problem me trajnerin, është zgjedhje e tij dhe e respektoj. Ndihem mirë dhe premtoj se do të bëj gjithçka që Flamurtari të ecë përpara. Golin ia dedikoj familjes dhe të gjithë tifozëve të Flamurtarit”, deklaroi 25-vjeçari Greca.

NDIQE LIVE "PANORAMA TV"

---