Imazhi më epik i finales të Euro 2020 ka qenë padyshim tërheqja nga bluza e Kielinit ndaj Saka. Një pamje që bëri xhiron e rrjeteve sociale, u kthye në objekt diskutimesh, polemikash, memesh dhe peticionesh nga tifozët anglezë për të rizhvilluar finalen. Tani, ajo pamje është edhe një tatuazh i mirëfilltë.

Një prej tifozëve italianë, mendon se ajo është pamja e cila do ta bëjë të kujtojë gjithmonë trofeun e fituar nga Italia në këtë Europian. Për këtë arsye, ai e ka kthyer në një tatuazh në krahun e tij, me Kielinin që ndal vrapimin e Saka drejt Kupës.

Fotoja e tatuazhit në fjalë është publikuar nga tatuazhisti Alberto Marzari, i cili i ka shtuar edhe një koment ironik përkrah saj. “It’s coming Rome”, ishte mesazhi që shoqëronte foton e veprës së tij.

PANORAMASPORT.AL  

NDIQE LIVE "PANORAMA TV"

---