Erzeni leksion Partizanit, vetëm 1 fitore larg titullit
Erzeni i Shijakut ka mposhtur sërish Partizanin me rezultatin 3-2, në finalen e dytë të play off-it në volejboll për meshkuj. Emocione pafund në sfidën e sotme të zhvilluar në mjediset e Akademisë “Dhimitraq Goga”.
Partizani edhe pse u shkëput dy herë me sete, nuk arrin të bëjë diferencën në setin final, ku gabon dhe humbet një tjetër ndeshje në setin e pestë. Për shijakasit e trajnerit Arben Sako tashmë titulli kampion është shumë pranë, një fitore larg.
Partizanit i duhet të fitojë me çdo kusht sfidën e tretë për të mbajtur gjallë shpresat për titull, ndërsa Erzenit i duhet vetëm një fitore për të fituar titullin.
Volejboll – Play off, finalet e meshkujve
16 prill, Partizani – Erzeni, 2-3 (25-19, 22-25, 25-17, 18-25, 15-17)
19 prill, Erzeni – Partizani, 3-2 (24-26, 25-19, 19-25, 25-23, 15-12)
22 prill, Partizani – Erzeni, ora 19:00 (Feti Borova)
25 prill, Erzeni – Partizani, ora 19:00 (Akademia “Dhimitraq Goga”)
28 prill, Partizani – Erzeni, ora 19:00 (Feti Borova)
Ndeshja e katërt dhe pestë do të luhen nëse është e nevojshme
NDIQE LIVE "PANORAMA TV"