Lushnja bën një përforcim në merkato, teksa ka arritur marrëveshjen me mesfushorin me tipare mbrojtëse Orgest Gava.

“Panorama Sport” mëson nga burime pranë klubit, se marrëveshja për afrimin e futbollistit është arritur dhe shumë shpejt pritet të vijë edhe zyrtarizimi. Për 29-vjeçarin bëhet fjalë për një rikthim te Lushnja, ku luajti në sezonin 2017-2018.

Gava u largua në verën e 2018-ës nga verdhjeshilët, për të vazhduar karrierën te kosovarët e Trepça 89, ku qëndroi deri në verën e vitit të kaluar, për tu transferuar më pas te skuadra tjetër kosovare e Dukagjinit.

Më parë mesfushori ka luajtur edhe me skuadra të tjera në Shqipëri si Bylisi, Elbasani dhe Shkumbini. Ky shihet si një përforcim i rëndësishëm për trajnerin Gjyla dhe ekipin, të cilët kanë si objektiv ngjitjen në Superiore.

PANORAMASPORT.AL

NDIQE LIVE "PANORAMA TV"

---