Postuar: Maj 16, 2020 | 0:22
E trishtë/ Ndahet nga jeta në moshë të re trajneri shqiptar
Një lajm i trishtë është bërë i ditur ditën e sotme, teksa është lajmëruar vdekja e Ardren Dafotës, trajneri në akademinë e futbollit “Naim Kryeziu” të KF Vëllaznimit.
Dafota u nda nga jeta në moshën 25 vjeçare, ndërkohë lajmi u bë i ditur nga faqja zyrtare në “Facebook” e KF Vëllaznimit.
Klubi i ka shprehur ngushëllime familjarëve, duke shtuar se u nda nga jeta një njeri shumë punëtor dhe i urtë. Një lajm i hidhur ky që ka prekur të gjithë, që ka tronditur futbollin shqiptar.
“Qytetarë të nderuar, sot në mesditë nga një sëmundje e papritur ndërroi jetë trajneri i akademisë Ardren Dafota. Kjo është një humbje shumë e madhe për KF. Vëllaznimin.
Iku nga kjo jetë njeriu puntor e i urtë, Ardren do na mungosh miku ynë i shtrenjtë. Ngushëllime Familjes dhe miqëve. Për ceremonin e varrimit do ju njoftojmë në postimin e radhës,” njofton klubi kosovar.
PANORAMASPORT.AL
NDIQE LIVE "PANORAMA TV"
