E bujshme nga Italia/ Juventusi bën gati 2 milionë euro për talentin e Kombëtares Shpresa, ja plani i bardhezinjve
Një lajm i bujshëm është duke qarkulluar në mediat italiane. Bëhet fjalë për sulmuesin e Kombëtares Shpresa, Stiven Shpendi. Sipas “Calciomercato”, sulmuesi 20-vjeçar, i cili shkëlqeu me Çezenën në këtë sezon, ka përfunduar në radarët e Juventusit.
Bardhezinjtë janë gati të shpenzojnë 2 miilionë euro, për talentin shqiptar, që në sezonin që sapo u mbyll realizoi 13 gola.
Plani është që Juventusi ta blejë Stiven Shpendin, dhe ta dërgojë te skuadra U-23 që militon në Serinë C, për të fituar më shumë eksperiencë, dhe në sezonet e ardhshme të jetë gati për ekipin e parë. Duket se paraqitja e shqiptarit në këtë sezon ka magjepsur drejtuesit e “Zonjës së Vjetër” të cilët nuk dëshirojnë që talenti 20-vjeçar t’iu ikë nga duart.
PANORAMASPORT.AL