Ardian Ismajli mund të kthehet titullar në ndeshjen e kësaj të diele në Serinë A ku Empoli i tij luan ndaj Milanit. Por jo si zakonisht në qendër të mbrojtjes të skuadrës e cila po lufton për mbijetesën në elitë.

Mediat pranë klubit kanë zbuluar se trajneri Andreacoli, duke parë problemet me dëmtimet e njëpasnjëshme në radhët e skuadrës së tij, ka provuar kohët e fundit Ismajlin në stërvitje si një mbrojtës të majtë. Një rol i pazakontë për futbollistin e Kombëtares kuqezi, i cili zakonisht luan në qendër e me raste dhe në të djathtën e prapavijës.

Megjithatë, për Ismajlin në këto momente çdo minutë është e rëndësishme, pavarësisht pozicionit, duke llogaritur se në javët e fundit ka qenë në stolin e rezervave për skuadrën e Empolit, teksa nuk është preferuar nga trajneri për formacionin titullar.

PANORAMASPORT.AL

NDIQE LIVE "PANORAMA TV"

---