Dueli i kthimit në Ligën e Konferencës, Partizani publikon çmimet e biletave
Ndeshja e kthimit mes Partizanit dhe Atletik Eskaldes do të luhet më 1 gusht në orën 20:45 në “Air Albania”, ndërkohë që klubi i kuq ka publikuar ditën e sotme edhe çmimet e biletave, të cilat variojnë nga 400 lekë të rinj deri në 4000 lekë, që janë ato në tribunën VIP.
Çmime këto tepër të arsyeshme, për shkak se edhe kundërshtari është modest. Kujtojmë që në ndeshjen e parë të zhvilluar në Andorrë, “Demat e Kuq”, triumfuan me rezultatin 0-1, falë golit të Mba, teksa suksesi në duelin e kthimit është detyrim.
Klubi i Partizani ka bërë me dije se biletat do të dalin në shitje ditën e premte e në vazhdim çdo ditë pranë pikës së shitjes, në stadiumin “Selman Stërmasi”, nga 10:00 deri në 19:00.
PANORAMASPORT.AL
NDIQE LIVE "PANORAMA TV"