Braida: Mesbah nuk ikën nga Milani, ka besimin tonë
Drejtori sportiv i Milanit, Ariedo Braida, i ka mohuar kategorikisht thashethemet e fundit që qarkullojnë nëpër korridoret e mekatos, të cilat shikojnë mbrojtësin algjerian Xhamel Mesbah pranë kalimit te skuadra e Palermos: “Nuk e përgënjeshtroj interesimin e Palermos për Mesbah. Thjesht, sepse është një tratativë që nuk ekziston. Ju siguroj se nuk kam folur me askënd për Mesbah. Algjeriani është një futbollist i mirë, tek i cili ne kemi besim. Kështu që nuk kemi ndër mend ta shesim”. Braida ka konfirmuar se së bashku me Adriano Galianin, i cili ndodhet në Amerikë, do të bëjnë të pamundurën për ta përforcuar siç duhet skuadrën për sezonin që vjen: “Seria A është një kampionat i vështirë, kështu që duhet të ndërtojmë një skuadër të denjë për të fituar titullin. Ne kemi individualizuar disa futbollistë, të cilët është shumë e vështirë për t’i blerë, pasi klubet në të cilët ata luajnë kërkojnë shumë. Megjithatë, kam besim se gjatë orëve të fundit të merkatos do të sigurojmë lojtarët që duam”.
