Analiza e shpejt pas ndeshjes, Ze Maria elozhe skuadrës në tunel
Në fund të takimit mes Tiranës dhe Teutës, trajneri Ze Maria ka zhvilluar analizën e shpejtë me ekipin. Trajneri i bardhebluve ka folur para lojtarëve, duke i lavdëruar për ndeshjen që zhvilluan. Trajneri mësohet t’u ketë thënë futbollistëve se kanë luajtur një takim të mirë dhe për këtë është i kënaqur. Sipas tij, ekipi duhet të vazhdojë në këto ritme. Ndërkaq, kjo nuk do të thotë se nuk ka stërvitje.
Që në pikë të mëngjesit, Tirana do të kthehet në fushën e përgatitjeve. Stërvitja është programuar në orën 10:00, ndërsa më pas ekipi do të jetë pushim. Sfida e radhës me Kukësin pritet të luhet të dielën e ardhshme dhe bardheblutë do të kenë më shumë kohë për të përgatitur takimin me nënkampionët. Java që do të vijë pritet të jetë vendimtare edhe për fatet e merkatos dhe afrimet e fundit në ekipin bardheblu.
NDIQE LIVE "PANORAMA TV"