ZYRTARE/ Vendoset stafi i ri teknik, skuadra e Kategorisë së Dytë emëron në pankinë…
Gramshi, pasi ka marrë lajmin e shfuqizimit të vendimit nga Komisioni i Apelit për dënimin prej pesë vjetësh, ka nisur përgatitjet për sezonin e ri futbollistik.
Krerët e klubit të kuq menjëherë kanë zgjedhur drejtuesit e rinj të skuadrës, për kampionatin që do të startojë më 1 tetor.
Bëhet fjalë për Leonard Toçilën, që rikthehet në skuadër si drejtues i saj dhe kapitenin Fatjon Latifi, që do të drejtojë bashkë me Toçilën ekipin.
Dyshja në fjalë ka filluar menjëherë punën dhe ka mbledhur grupin e lojtarëve.
Këta të fundit, shumica janë lojtarë të sezonit të kaluar, vendës, ku do të afrohen dhe disa nga rrethet.
Janë projektuar blerjet e reja dhe shumë shpejt do t’i bashkohen grupit të futbollistëve.
Edhe pse nuk ka shumë kohë në dispozicion për t’u përgatitur, Gramshi do të jetë gati në 1 tetor, ku do të presë në fushën e vet librazhdasit.
MARIGLEN MIRAKA – PANORAMASPORT.AL
NDIQE LIVE "PANORAMA TV"