VIDEO/ Supergoli nga goditja e dënimit, faqja e famshme me 24 milionë ndjekës i bënë reklamë… Endri Çekiçit
Endri Çekiçi është duke kaluar një formë të shkëlqyer me skuadrën e Olimpja Ljubjanës në kampionatin slloven. Pogradecari realizoi 2 gola fundjavën e shkuar, teksa i pari ishte një kryevepër!
Falë një perle nga goditja e dënimit, me të djathtën, Çekiçi shtangu portierin kundërshtar, teksa topi mori një trajektore të çuditshme dhe përfundoi në rrjetë.
Një realizim i shkëlqyer teksa goli i futbollistit shqiptar është shpërndarë dhe nga faqja e famshme sportive “433”, e cila numëron plot 24 milionë ndjekës. Një reklamë mjaft e madhe për futbollistin 22-vjeçar, i cili pavarësisht formës të shkëlqyer që po kalon, nuk ka arritur të bindë ende trajnerin Edi Reja, për t’i besuar një vend në Kombëtaren kuqezi.
PANORAMASPORT.AL