Që portierët të shënojnë gola nuk është më e panjohur. Por, jo çdo gardian mund të arrijë të kualifikojë ekipin e tij në frymën e fundit.

Këtë gjë e arriti portieri i 19-vjeçarëve të Klub Bryzhit në ndeshjen vendimtare me bashkëmoshatarët e Real Madridit.

17-vjeçari Sene Lamens kërcen mbi të gjithë lojtarët e grumbulluar në zonë gjatë aksionit të fundit të takimit dhe mposht kolegun madrilen me kokë duke dërguar topin në rrjetë.

Me barazimin 2-2, të rinjtë belgë arrijnë të kualifikohen në raundin tjetër të Ligës së Kampioneve për të rinjtë. Pas shënimit të golit, e gjithë pankina ka pushtuar fushën duke festuar rezultatin e pabesueshëm.

PANORAMASPORT.AL

NDIQE LIVE "PANORAMA TV"

---