VIDEO/ Përballje emocionuese në “Elbasan Arena”, Besëlidhja mposht Pogradecin falë një gafe në frymën e fundit
Besëlidhja ia ka dalë të fitojë ndaj Pogradecit, në ndeshjen e “play-off” teksa do të përballet me Vllazninë, ku do të synojë edhe Superioren me pas.
Në “Elbasan Arena” u zhvillua një ndeshje me të vërtetë spektakolare, e cila i kishte të gjitha brenda. Rustemaj kaloi Besëlidhjen në avantazh në minutën e 13’, pas dominimit të lezhjanëve në minutat e para. Në minutën e 44’ Alillari shënoi për Pogradecin dhe vendosi baraspeshën.
Pjesa e dytë nisi shumë mirë për liqenorët që gjetën golin në minutën e 49’ me anë të Topllarit. Pas kësaj Besëlidhja u hodh në sulm, teksa gjetën golin në minutën e 67’ me Moqin. Atëherë kur të gjithë po mendonin për minutat shtesë, erdhi edhe goli që vendosi sfidën.
Në minutën e 93’, pas një gabimi të Hidrit në kthimin e topit dhe daljes së Berberit, përfitoi Çokiç i cili ia doli të shënojë. Tani Besëlidhja do të tentojë të mposhtë Vllazninë më 5 gusht në “Loro Boriçi”, për të bërë të mundur kalimin në Superiore.
FT| Besëlidhja-Pogradeci 3-2
Rustemaj 13′ Moqi 67′, Çokiç 93′ / Alillari 44′, Topllari 49′
Momentet e tensionit mes lojtarëve
Formacionet zyrtare:
Besëlidhja: Vukasinoviç, Bushi, Pergjoni, Fetaj, Rustemaj, Moqi, Xhorxheviç, Dibra, Hoxha, Hepaj, Çokiç. Trajner: E. Plori.
Pogradeci: Berberi, Hidri, Dervishaj, Pere, Kevi Berberi, Dragoj, Jahaj, Shkulaku, Kasa, Topllari, Alillari. Trajner: A. Abazaj.
PANORAMASPORT.AL
NDIQE LIVE "PANORAMA TV"