Teksa futbolli është paralizuar në mbarë Europën për shkak të pandemisë së koronavirusit, Partizani është kthyer pas në kohë për të kujtuar përballjen emocionuese me skuadrën e njohur holandeze të Feinordit në raundin e parë të Kupës së Kupave të sezonit 1991-1992.

Të drejtuar nga Sulejman Starova, të arritën të frenonin në Tiranë Feinordin me rezultatin 0-0 pasditen e 18 shtatorit të vitit 1991. Me këtë rezultat, Partizani mund të siguronte kualifikimin duke i mjaftuar një barazim me gola në Holandë. Një detaj interesant nga kjo ndeshje është se Partizani luajti në shtëpi uniformat e dyta të verdha, jo me fanelën e kuqe.

Por, pavarësisht superioritetit të Feinordit, skuadra holandeze u kualifikua me gol në minutën e 87-ë të takimit të kthimit të 2 tetorit 1991 duke vuajtur jashtëzakonisht shumë ndaj Partizanit.

Pavarësisht se nuk mundi të kualifikohej më tej, ajo ndeshje e 18 shtatorit 1991 ka hyrë në arkivën e Partizanit si njëra prej paraqitjeve më mbresëlënëse të skuadrës kryeqytetase në Europë.

Mesazhi i Partizanit:

SEZONI 1991 – 1992
KUPA E KUPAVE / TURI I
PARTIZANI 0 – 0 FEYENOORD ROTTERDAM
Stadiumi “Qemal Stafa”
Formacioni: Artur Lekbello, Shahin Berberi, Adnan Ocelli, Ilir Shulku, Marko Pelinxhi, Klarent Fejzolli, Fatmir Hasanpapa, Alfons Muça, Andon Nikolla, Besnik Prenga, Edmond Dosti.
Trajner. Sulejman Starova

PANORAMASPORT.AL

NDIQE LIVE "PANORAMA TV"

---