Palestra e klubit të basketbollit Gravelines në Francën veriore u shkrumbua në ditën e Krishtlindjes nga një zjarr i madh, raportoi AFP. “Nuk ka më sallë basketbolli, gjithçka u bë tym e hi”, tha presidenti i klubit Gravelines, Kristian Devos. Dyzet vjet jetë,  pallati i sportit ‘Sportica’ u zhduk në tym”, shtoi ai.

I gjithë kompleksi sportiv, i cili përfshin pishinën, kafenenë dhe ndërtesat përreth, u dogj dhe më shumë se 60 zjarrfikës u mobilizuan për të shuar zjarrin që shkatërroi sallën me 3000 vende. “Nëse do të kishim qenë në një periudhë me frekuentim të lartë në pishinë ose nëse do të kishte pasur stërvitje në sallën e basketbollit, do të ishte katastrofike”, nënvizoi Kristian Devos.

“Por gjithçka ishte e mbyllur, nën mirëmbajtje. Nuk po kryhej asnjë stërvitje për ekipin e basketbollit kur filloi zjarri,” shtoi ai.

E parafundit në ligën e parë franceze, Gravelines duhet të priste Parisin e vendit të dytë të enjten, por ndeshja nuk do të zhvillohet. Në vitin 2004, Gravelines ishte finalist në ligën franceze, dhe një vit më vonë fitoi kupën.

Heart breaking scenes in France this morning. The Gravelines Sportica which is the home of LNB Pro A team BCM Gravelines-Dunkerque is currently on fire. Praying that no one is in danger. pic.twitter.com/S20VZDuUv4

— Josh Bett (@JoshBett1) December 25, 2023

;

PANORMASPORT.AL

NDIQE LIVE "PANORAMA TV"

---