VIDEO/ Interi i Kontes është magjepsës, “poker” Leçes. Brozo e Kandreva prodhojnë perla, shënon edhe Lukaku
Interi e nisi me një fitore të thellë, me shifrat 4-0 ndaj Leçes, aventurën në Seria A për këtë sezon.
Në një “San Siro” të mbushur plot, me rreth 65 mijë tifozë, ekipi i drejtuar tashmë nga Antonio Konte e kërkoi që në fillim fitoren, dhe sfida u zhbllokua me një gol fantastik të Brozoviç nga jashtë zone, që në minutën e 21-të.
Kaluan vetëm 3 minuta, dhe ishte radha që me gol të debutonte Sensi para tifozëve të tij, ku me një të djathtë nga hyrja e zonës, nuk i la mundësi portierit të Leçes.
Gol që në ndeshjen e parë, shënoi edhe Romelu Lukaku. Sulmuesi belg i ardhur këtë verë nga Junajtid, shtyu një top të ngelur në zonën e miqve, pas një topi të goditur nga Lautaro Martinez. Pati kohë edhe për një gol të Kandrevës në minutën e 84-t, por çfarë goli. Nga ato për kornizë. Ai lëshoi një goditje me të djathtën nga më shumë se 25 metra, e cila shkoi e u ndal në rrjetë.
Kështu, Interi e nis me këmbën e mbarë Serinë A, dhe tashmë bëhet gati për transfertën e javës së ardhshme ndaj Kaljarit.
FT | Inter-Leçe 4-0
GOL: Brozovic 21′, Sensi 24′, Lukaku 60′, Kandreva 84′ /
KARTON I KUQ: / Farias 76′
Kandreva 84′
Lukaku 60′
Sensi 24′
Brozovic 21′
FORMACIONET ZYRTARE:
INTERI: Handanoviç, D’Ambrozio, Shkrinjar, Ranokia, Azamoah, Kandreva, Brozoviç, Sensi, Vesino, Lautaro Martinez, Lukaku.
LEÇE: Gabriel, Luçoni, Petriçione, Delorko, Rosetini, Rispoli, Majer, Dubiçkas, Taktsidhis, Farias, Lapadula.
PANORAMASPORT.AL
NDIQE LIVE "PANORAMA TV"