Armando Broja e nisi vitin 2024 në mënyrën më të mirë të mundshme. Ylli shqiptar realizoi një gol fantastik me kokë në minutën e 58-të duke i dhuruar avantazhin skuadrës së Çelsit në duelin e FA Cup ndaj Preston.  

Sulmuesi i Kombëtares kuqezi e justifikoi mjaft mirë besimin e trajnerit Poçetino, teksa golin e festoi me shqiponjën dykrenare, duke i dhënë një mesazh të qartë trajnerit Silvinjo se është gati për Europianin. 

Broja qëndroi në fushë 76 minuta në duelin e sotëm, teksa u zëvendësua kur rezultati ishte 3-0 në favor të londinezëve, duke i lënë vendit Deivid Ushington.   Një nisje e mbarë kjo për ylli shqiptar, i cili kërkon shpërthimin, për të mos u ndalur më.  

Goli i Brojës: VIDEO

PANORAMASPORT.AL

NDIQE LIVE "PANORAMA TV"

---