VIDEO/ Bicaj e Alvesh nderojnë Flamurtarin, 3 pikët ndaj Lushnjës konsolidojnë vendin e dytë
Flamurtari mund Lushnjën me rezultatin 2-0, në sfidën e vlefshme për javën e 20-të të Kategorisë Superiore. Vendasit u shfaqën superiorë në të gjithë takimin, edhe pse nuk e patën të lehtë të gjejnë golin e zhbllokimit.
Pjesa e parë pati raste, por në fund u mbyll pa gola. Në të dytën, ishte Bicaj me kokë ai që kaloi në avantazh Flamurtarin. Më pas, në minutat që vijuan, skuadra e Duros menaxhoi rezultatin, por, për të hipotekuar fitoren mendoi edhe Danilo Alvesh, që vulosi marrjen e tri pikëve.
Në fund, kjo fitore e konsolidoi akoma më shumë në vendin e dytë Flamurtarin, ndërsa Lushnja mbetet në vendin e fundit me 10 pikë, në një krizë totale.
Flamurtari – Lushnja 2-0
Gol: Bicaj 65′, Alvesh 91′
KOMENTI
Mbyllet takimi. Flamurtari – Lushnja 2-0
91’ GOOOL Alvesh. Braziliani del i vetëm përballë portierit Spaho, dhe nuk fal nga brenda zonës.
86’ Me karton të verdhë ndëshkohet edhe Zuka.
85’ Canka dhe Sefa shënjestrojnë portën e Nurkovicc, por goditjet nuk arrijnë të përfundojnë në rrjetë.
83’ Duro kryen edhe ndërrimin e fundit. Ardit Hoxhaj i lë vendin Veliut.
81’ Tjetër zëvendësim për lagunarët. Largohet Branica, në fusha Meto.
80’ Siljanovski merr një top të bukur në zonë, por edhe pse ka mundësi të mirë të shënojë, godet jashtë portës.
72’ Bushiç ka përsëri një rast të mirë, teksa gjendet i vetëm në zonë përballë Spahos, por portieri arrin ta ndalë kroatin.
71’ Papa i lë vendin Çelës për miqtë.
69’ Duro heq Kamaran, hedh në fushë Zukan.
65’ GOOOL Bicaj. I ardhur nga mbrojtja, Ditmar Bicaj bën diferencën në shtyllën e dytë, i pambuluar pas një harkimi të gjatë nga Hoxhaj.
62’ Alvesh provon me kokë, pas një harkimi në zonë nga Hoxhaj, por topi përplaset në tokë dhe përfundon mbi traversë.
51’ Karton i verdhë edhe për Useinin.
50’ Përsëri shtyllë për Flamurtarin. Musta nga shumë pranë portës, në një kthesë godet topin, por ai përplaset në shtyllë.
46’ Nedjelkoviç mbetet në dhomat e zhveshjeve. Në fushëë hidhet Danilo Alvesh
46’ Rinis takimi.
Mbyllet pjesa e parë në Vlorë. Flamurtari – Lushnja 0-0
45’ 1 minutë shtesë në Vlorë.
40’ Me të verdhë ndëshkohet edhe Pepa për një ndërhyrje ndaj Siljanovskit.
35’ Karton i verdhë për një faull taktik për Nedjelkoviç.
33’ Vlonjatët pretendojnë për 11-metërsh. Sidibe kroson ulët në zonë, dhe u pretendua për një prekje me dorë të Bufasit, por arbitri vazhdoi lojën.
23’ Useini shpërdoron rastin e artë. Teksa gjendet i vetëm brenda zonës përballë portierit Spaho, godet shumë mbi traun e portës.
15’ Një pakujdesi në mbrojtjen e Flamurtarit, por Canka godet trupin e portierot.
13’ Shtylla ndal Nedjelkoviç, teksa gjuan nga brenda zonës, por për pak nuk prek rrjetën. Më pas Sidibe, por përsëri ndalet.
10’ Flamurtari ka një shans të mirë, teksa krosimi i Nedjelkoviç goditet nga Hoxhaj, por nuk shënjestron portën.
7’ Një top i devijuar shkon në zonën e vlonjatëve, por Nurkoviç kontrollon.
1′ Nis takimi në Vlorë.
FORMACIONET
Flamurtari: Nurkoviç, Siljanovski, Bicaj, Pollozhani, Musta, Sidibe, Useini, Nedeljokoviç, Hoxha, Kamara, Bushiç.
Trajner: Dritan Çuko
Lushnja: Spaho, Meto, Prençi, Bufasi, Ruço, Magani, Gava, Papa, Branica, Canka, Sefa.
Trajner: Jeton Beqiri
Gjyqtar:
NDIQE LIVE "PANORAMA TV"