U19/ Goleadë në derbi, Teuta s’ndalet. Shtyhet Tirana-Internacionali

Panorama Sport | Lajmet e fundit nga sporti

Postuar: Dhjetor 9, 2020 | 19:49


U19/ Goleadë në derbi, Teuta s’ndalet. Shtyhet Tirana-Internacionali

Mjafton 1 gol, Qehaja udhëheq durrsakët

Teuta po ecën me hap kampioni këtë sezon. Në ndeshjen e luajtur ndaj Akademisë së Futbollit, skuadra e drejtuar nga Xhevahir Kapllani ka fituar me shifrat minimale 0-1, duke ruajtur kështu kreun e renditjes në Grupin B. Pas 7 javësh kampionat, durrsakët janë të shkëputur me pesë pikë më tepër se Skënderbeu ndjekës. Fitoren e solli goli i Endri Qehajajt në fillimin e pjesës së dytë. Ka qenë një ndeshje mjaft e bukur, pasi Akademia nuk është dorëzuar deri në fund. Në pjesën e parë vendësit ishin më kërkues, por durrsakët kërkonin që të ndëshkonin Akademinë me kundërsulme.  kategoria_superiore_u19_cover
Gjithsesi, munguan golat në këtë fraksion, kjo edhe për meritë të mbrojtjeve respektive. Të dyja ekipet patën raste për gol, por vendimtar u bë Qehaja, që finalizoi më së miri një aksion të durrsakëve në minutën e 47-të. Pavarësisht insistimit të Akademisë për të barazuar, miqtë administruan mirë avantazhin. Javën e ardhshme Teuta pret Apoloninë kampione në fuqi në Durrës/ ABDULLA DUSHKU

AKADEMIA E FUTBOLLIT TEUTA

Vllaznia, pa rivalë

Vllaznia ka treguar edhe një herë tjetër se do të jetë pretendente kryesore për titullin këtë sezon. Në ndeshjen e radhës ndaj Laçit, kuqeblutë e Luan Zmijanit fituan bindshëm 4-2. Që në pjesën e parë shkodranët mbyllën llogaritë, duke shënuar tri gola me Delajn, Alivodën dhe Muliun. Laçi reagoi afër fundit, por ndeshja u mbyll 4-2/ ADMIR URUÇI

VLLAZNIA U19

Spektakël pa fitues, ndalet Partizani

Barazim i çmendur në derbin e të rinjve mes Dinamos dhe Partizanit. Ndeshja e zhvilluar në kompleksin e klubit blu në fshatin Arbanë ka prodhuar spektakël, edhe pse në fund s’ka pasur fitues. Pjesa e parë ka folur për të kuqtë e Kalarit, të cilët shënuan me Koldashin që në minutën e 3-të. Dinamo mundohet të reagojë dhe arrin të barazojmë shifrat me anë të Hoxhës. Ndeshja ndizet dhe skuadrat luajnë hapur. Protagonist bëhet sërish Koldashi, i cili rikthen avantazhin për “demat” e rinj. Pjesa e parë mbyllet me shifrat 1-2 për Partizanin. Pas pushimit blutë futen në fushë më të karikuar dhe arrijnë të bëjnë një përmbysje spektakolare. Fillimisht blutë barazojnë me anë të Kullollit, ndërsa në minutën e 67-të ndeshja shkon 3-2 për Dinamon pas golit të Ismailit. Partizani nuk dorëzohet, edhe pse pëson shok psikologjik. Kapiteni Çarçani nderon të kuqtë në minutën e 71-të, duke barazuar 3-3. Pavarësisht përpjekjeve të dy ekipeve, s’ka më gola/ ABDULLA DUSHKU

DINAMO PARTIZANIII

Tripletë e Shënkollit

Shënkolli bën tripletë ndaj Shkodrës në shtëpi. Ndeshja ka nisur shumë e shpejtë nga të dyja skuadrat, por pa saktësi në finalizim. Vetëm në minutën e 39-të, Marku gjuan në formë parabole dhe shënon. Dy minuta më pas është Përgjoni që dyfishon shifrat. Ndërsa në fundin e lojës mendoi Macaj për të vulosur fitoren 3- 0 pas një rrëmuje në zonë/ PRENG GJIKOLA

SHENKOLLI SHKODRAA

Dragaj nderon Shkëndijën

Dragaj bën heroin në derbin e shkollave mes Shkëndijës së Durrësit dhe asaj të Tiranës. Skuadra që përfaqëson shkollën e kryeqytetit “Loro Boriçi”, iu fal tripletës së Dragajt, i cili shkëlqeu me lojën e tij. Miqtë e dominuam lojën që nga fillimi dhe pavarësisht golit të Qypit që barazoi shifrat, ia dolën të fitonin 1-3 falë Dragajt/ ZAMIR QYPI

DRAGAJJJJ

Apolonia bën kthesën

Apolonia bën kthesën në shtëpi duke mundur 2-0 Pogradecin. Skuadra kampione në fuqi e të rinjve ka shënuar që në minutën e 9-të me anë të Mërkurit. Pas një pjese të parë të dominuar, fierakët ia dolën të realizonin edhe në 45 minutat e dyta me Balën. Kjo ishte fitorja e dytë në shtatë javë kampionat, me fierakët që pozicionohen të pestët/ BUJAR RAMA

APOLONIAAAAAAAA

Triumf me përmbysje

Flamurtari e nisi mirë lojën ndaj Football Republic, teksa shënoi që në minutën e 17-të me anë të Gegajt. Megjithatë, të besuarit e Erbim Fagut bën një përmbysje spektakolare. Beta në minutën e 24-t, si dhe Teqja e Avdia afër fundit, e kthyen rezultatin në 3-1. Një minutë para golit Avdia humbi një 11-metërsh, por e korrigjo pas 30 sekondash/ ABDULLA DUSHKU

FLAMURTARIIII

Elbasani thyen Besën

Elbasani ka marrë një fitore me zemër ndaj Besës. Serinë e golave e hapi Papallazi me një kryevepër nga goditja e dënimit, ndërsa Kasa dyfishoi shifrat. Në fundin e pjesës së parë Lila rihapi sfidën. Më pas Musta shënon nga pika e bardhë, ndërsa Muzhaqi po me penallti shënon për Besën, por nuk i jep dot një pikë ekipit kavajas/ VLADIMIR MEMA

ELBASANI BESA

Skënderbeu bën detyrën

Dy gola, dy kartonë të kuq dhe tri pikë. Skënderbeu i bën të gjitha ndaj Butrintit, në një ndeshje ku Venko shënoi që në minutën e 7-të. Për golin e qetësisë mendoi Xhixho në minutën e 56-të. Pas këtij momenti korçarët ia komplikuan vetes pas daljes me karton të kuq të Çuçkës dhe Ymeti për ndërhyrje të parregullta dhe protesta/ LLAZI SARO

SKENDERBEU BUTRINTI

RENDITJA KALENDARI U19

RENDITJA KALENDARI U19

PANORAMASPORT.AL