U përfol se do ndryshonte formati, ja ç’do të ndodhë me Ligë 1
Ligë 1 ishte ndër kampionatet e para që u mbyll para kohe për shkak të pandemisë. PSG u shpall kampione ndërsa u vendos që asnjë skuadër të mos binte nga kategoria dhe sezoni tjetër të ishte me 22 ekipe.
Por kampionti francez do vazhdojë të paktën edhe për sezonin tjetër të jetë me 20 skuadra. Lajmi u konfirmua në një komunikatë zyrtare nga Liga Franceze e futbollit ku u bë me dije se në asamblenë e mbajtur këtë të martë u vendos me shumicë votash që formati aktual të mos ndryshojë.
Tuluz dhe Amiens u rënditën të fundit në Ligë 1 dhe pavarësisht vendimit të parë pritet të zbresin një kategori më poshtë për ti bërë vend Lorientit dhe Lensit që dolën të parat në Ligën e dytë franceze. Gjithsesi çështja pritet të shkojë në gjykatë me Tuluzën dhe Amiensin që do e apelojnë vendimin.
PANORAMASPORT.AL
NDIQE LIVE "PANORAMA TV"